Meghalaya leh World Bank-in inremna ziak dawn

Meghalaya Chief Minister Conrad K Sangma chuan Inrinni khan Meghalaya Democratic Alliance (MDA) sorkar in World Bank nen state chhunga catchment area venhimna tur inremna an ziah vat dawn thu a sawi a, World Bank hian cheng vaibelchhe 100 vel hemi pual hian an pe thei maithei tih a sawi.

Chief Minister chuan global warming chu ramchhungah leh khawvel hmun dangah pawh a zual zel thu sawiin state chhunga tui lakna hmun hrang hrang-te chu venhim a ṭul thu a sawi a ni.

Conrad Sangma hian Tura-a Dikki Bandi Stadium-a “Natural Resources Management and Climate Change- Opportunities and challenges for entrepreneurs in Garo Hills” hun hmanah thu sawiin boruak a inthlak nasat tawh thu a sawi.

Sangma chuan ram hrang hrangin global warming tihnepna tura hma an lak thu sawiin, meikhu leh motor khu bakah thil dang hrang hrang vanga kan boruak chhiat zel thu a sawi bawk.

CM chuan catchment area venhimna turin World Bank nen thla khat vel hnuah chuan inremna an ziah theih a rin tawh thu sawiin, World Bank lam hian cheng vaibelchhe 100 vel an fund thei dawn niin a sawi a, Nokmas-te leh tualchhung mite thlawpna an mamawh dawn tih a sawi a ni.

Conrad Sangma chuan state chhunga chhungkaw tin te chu thingphun uar tura chah an nih tur thu sawiin, “My Life! My Tree" green campaign-a tel ve turin a chah bawk a ni.