Manipur hnathawk tuten hlawhsan hun tihchian phut
Manipur-a sorkar hnathawkte chuan Pathianni khan 7th Pay Commission recommendation a taka kalpui hun tur tichiang turin sorkar an phut thu an tarlang a, kar liamta pawh khan an hna an thawk tawh lo a ni.
Ramchhunga Bharatiya Janata party (BJP) in sorkarna state a siamna 19 zingah Manipur chiah hi 7th Pay Commission recommendation pawm lohna awmchhun a ni tawh.
March 22 aṭang khan nawrh hi huaihawt tawh niin All Manipur Trade Unions Council leh All Manipur Government Employees Organisation ṭangkawp te chuan nawrh hi an huaihawt a ni.
Joint Administrative Council (JAC) general secretary L. Biken chuan tunah tut tut chuan hlawh san nghal chu an beisei a nih loh thu a sawi a, sorkar in 7th Pay Commission Manipur-a a hman ṭan hun tur ziak ngeia a dah an phut thu a sawi.
Chief Minister N. Biren Singh-an Manipur chu ram leilung hausa lo tak a nih avang leh central fund an rin avangin hlawh san a harsa tih a sawi chu chhangin Biken chuan 4th, 5th leh 6th pay pawh an hman theih tawh tho thu a sawi a ni.