Assam sorkarin Advertisement-ah Rs vbch 27.23 hmang
Assam sorkar chuan 2017-18 fiscal year khan thla 11 chhungin advertisement-ah cheng vaibelchhe 27.83 an hmang tih Thawhṭanni khan Irrigation Minister Ranjit Dutta chuan Assembly-ah a sawi.
AGP MLA Pabindra Deka-a zawhna chhangin Dutta chuan April 2017 aṭanga kumin February thleng khan advertisement-ah cheng 27,22,79,761 an hmang tawh tih a sawi a ni.
Chief Minister Sabanada Sonowal, Information & Public Relations portfolio changtu ni bawk aiawhin Dutta chuan Deka zawhna chu a chhang a, total expenditure aṭang hian cheng vaibelchhe 16.79 chu pekchhuah tawh niin cheng vaibelchhe 10.44 erawh media house ṭhenkhatah an la ba tih a sawi.
Meida lama advertisement-a pawisa an hmanna bakah hian sorkar chuan vantlang hmuh tura thil tar nan finance department-ah cheng vaibelchhe 1.91 ruahmanna a siam thu Dutta chuan a sawi bawk.
Cheng vaibelchhe 21.72 chu chanchinbu-a advertisement chhuah nana hman a nih thu sawiin, electronic media - TV, radio, SMS services leh line atan cheng nuai 95.91 an hmang tih Dutta chuan a sawi.
Minister chuan national newspaper-a advertisement tih nan cheng nuai 4.55 an hmang tih a sawi bawk a ni.