Nagaland Assembly in State Budget pass

Nagaland state Assembly chuan Thawhṭanni khan kum 2018-19 bud­get atan cheng vaibelchhe 18,315.76-a pawm.

Nagaland Appropriation Bill (No. 2), 2018 budget hi voice vote hmanga pawm a ni a, eptu pawl NPF MLA in cut motion chungchang a putluh pawh sawi ho nghal a ni bawk.

Nagaland Chief Minister Neiphiu Rio chuan March 23 khan Budget fiscal deficit cheng vaibelchhe 1,630.67 awmna hi a pharh tawh a, Thawhṭanni khan house chuan a pawm ta a ni.

Nationalist Democratic Prog­ressive Party (NDPP)-kaihhruai People’s Democratic Alliance of Nagaland (PDA) hnuaia budget hmasa ber pass a nih bakah hian Assembly hian bill dang pahnih - Minister for Transport P Paiwang Konyak-an a pharh Nagaland Road Safety Authority Act, 2013 (First Amendment) Bill, 2018 leh Rio pharh tho Nagaland Appropriation Bill (No.1) 2018-te pawh a pawm nghal bawk.