Assam in Bandh vangin Rs vbch 1028 a hloh

Assam Commerce and Industry Minister Chandra Mohan Patowary chuan Thawhṭanni khan Assembly-ah kun 2017 chhunga state pum huap bandh vawi 17 lai a awm avangin Assam chuan cheng vaibelchhe 1,028-a hloh tih a sawi.

Patowary chuan hetah hian local leh district level strike-te chhiar tel a nih loh avangin bandh vanga an sum hloh zawng zawng chu hei ai hian a la tam daih tih a sawi bawk.

BJP MLA Mrinal Saikia zawhna chhangin Patowary chuan State Domestic Product (SDP) cheng vaibelchhe 1,028.50 zet chu bandh 17 avang hian an hloh tih a sawi a ni.

Kum 2017 chhung khan National Highway ṭum 184 dan a nih thu sawiin, local bandh 18 leh district bandh 42 a awm thu a sawi a, Bodoland Territorial Area Districts (BTAD) bandh ṭum li a thlen thu a sawi bawk.

Minister chuan bandh huaihawt chu dan kalh a nih thu a sawi bawk a ni.