Meghalaya-in lungalhthei khap chungchang zirchiang dawn

Meghalaya Chief Minister Conrad K. Sangma chuan Thawhlehni khan State Coordination Committee of Coal Owners and Mine Dealers Forum-te hnenah National Green Tribunal (NGT)-ten lungalhthei laihchhuah an khap vanga tuna an dinhmun tawn mek chu zirchian a nih dawn thu a sawi.

Chief Minister chuan Group of Minister (GoM) kaihhruaina hnuaiah zirchianna hi neih a ni dawn tih a sawi am zirchiang tur team-ah hian Mining and Geology, Law, Environment leh Home Minister-te chu an tel dawn tih a sawi bawk.

Sangma chuan thil awmdan chu hriatfiah an tum tur thu leh, hmalak zel dan tur ngaihtuah a ni dawn tih a sawi a, stakeholder-te hmuhdan pawh zawh a nih dawn thu sawi. CM chuan sorkar chuan lungalhthei chungchang chu an ngaihpawimawh thu a sawi a, environment a nghawng dan pawh an enfiah dawn thu sawiin sorkar laipui mai bakah helam kaihhnawh thuneitute hnenah an thlen dawn tih a sawi.