Manipur-in 'Go To Hills 2.0' campaign ṭan

Manipur sorkarin state chhunga hmun hla leh kilkhawr zawka chengten sorkar-in welfare scheme hrang hrang a siama hamṭhatnate an kawtkaiah ngei an dawn theihna tura hmalakna, 'Go To Hills' campaign thawh hnihna chu chief minister N Biren Singh-a'n a hawng.

Campaign hi Churanchanpur district-a Peace Ground, Tuibong-ah hawn a ni.

Chief Minister chuan 'Go To Hills 2.0' campaign a hawng thei chu lawmawm a tih thu sawiin, he campaign hi state chhung hmun tina hmasawnna thlen tura an hmalakna tihchakna tur a ni tih a sawi. He outreach programme hnuaiah hian state thuneitute chuan department hrang hrang - agriculture, horitculture, health, social welfare leh education-te hnenah hmanrua leh an hnathawhna atana puihna tur Rs vaibelchhe 51.52 hu a pe.

CM hian Churachandpur District Hospital-ah trauma care centre leh PSA oxygen plant a hawng nghal a, Singhat-a Community Health Centre-a khum 30 awmna special ward a hawng nghal bawk.