TIPRA hotuin hmarchhak tualṭo party inlungrual turin ngen

Tripura-a Indigenous Progressive Regional Alliance (TIPRA) chairman Pradyot Manikya Debbarma chuan hmarchhaka tualṭo party hrang hrangte chuan an thil phut nawrna kawngah inlungrual tlang tura ngenin, an inlungrual chuan sorkar laipui lam pawhin a ngaihven phah dawn a ni, a ti.

Thawhlehnia Guwahati-a Assam Jatiya Parishad (AJP) programme a hmanpuinaah, TIPRA hotu chuan hmarchhaka regional party-te chu hmarchhak leilung fate nekchepna tumna dodalnaah political lam aia movement anga kal na zawk turin a ngen. Hmarchhak biala regional party hrang hrangte pawh kawm an tum tih a sawi bawk.

Debbarma chuan, "TIPRA chuan Tripura-a BJP thawhpui, regional party IPFT pawh inbiakna a neihpui tawh a ni. Regional party dangte pawh kan be leh dawn a, thawm na leh ring zawk kan neih theihna turin lungrual taka aw kan chhuah ho zel a ngai a ni," a ti. Hemi rual hian national party-te chu thawhpui an tum lo tih a sawi bawk.