Sikkim-a adhoc zirtirtu banten nawrh chhunzawm zel

Sikkim-a adhoc teacher ban takte chuan an hna ngaia dah let leh phutin nawrh an huaihawt chhunzawm zel.

Kumin June thla khan state sorkar chuan state education deparmtment-in a lak, adhoc teacher 860-te chu thla riat hna an thawh hnuah a ban a ni. Hei hi duh loin nawrh an huaihawt a, zirtirtu ban zinga parukte chuan tiam chin awmloin chaw an nghei bawk.

Sikkim education minister Kunga Nima Lepcha chuan nawrh tihtawp tura ngenin, nawrh an chhunzawm zel chuan October 3-a interview neih tur atana endikna neih tur chu an bawhpelh a hlauhawm thu a sawi. Mahse zirtirtute hian sorkarin endikna neih a tum hi nawrh an tihtawp theihna tura a ruahman nia sawiin, hei hi ṭhendarh a tumna a ni, an ti. Minister ngenna hi an pawm loh thu sawiin, interview hmain scrutiny neih a ni ngai lo tih an sawi a ni.

Minister chuan zirtirtu lak thar tura interview buatsaihah adhoc teacher ban takte chu dah pawimawh an ni dawn tih a sawi.