Assam-in free admission kalpui chhunzawm dawn

Assam sorkar chuan education institution-a free admission kalpuina scheme a siam, Pragyan Bharti chu kum 2021-22 session-ah a hmang chhunzawm dawn tih a sawi.

Pragyan Bharti scheme hnuaiah hian zirlai, an nu leh pate kum khat sum lakluh Rs nuai hnih aia tlemte chu higher secondary (HS), degree (BA, BSc leh BCom) leh master degree (MA, MSc leh MCom) course-ah admission a thlawna tihsak an ni.

Assam sorkar leh sorkar laipui hnuaia nu leh pa hnathawkte erawh chuan he scheme hi an hmang ve thei lo thung.

Free admission tir tur hian nu leh pa kum khat sum lakluh Rs nuai hnih aia tlem a nih bakah, zirlaite attendance hi 75% a tling bawk tur a ni.