NSCN-IM in 'Republic Day' lawm tur thulh

Naga helpawl, National Socialist Council of Nagaland- Isak Muivah (NSCN-IM) chuan Covid-19 vangin March 21-a Republic Day an lawm tur an ṭhulh. Thuchhuah an siamah, NSCN-IM chuan World Health Organisation (WHO) in Covid-19 chu khawvel puma hrilenga a puan leh, Government of People’s Republic of Nagalim (GPRN) in hrileng laka invenna tura kaihhruaina a siam zulzuiin, Republic Day an lawm hi an ṭhulh tih a sawi. GPRN chuan Budget session a neih tur pawh tiam chin awm loin a sawn hla bawk.