Assam-in hmeichhe puihna tur Helpline siam

Assam sorkar chuan hmeichhe harsatna tawkte ṭanpuina tur, a thlawna biak pawh theihna Help­line a siam.

Chief Minister Sarba­nanda Sonowal chuan Ni­ngani khan Janata Bhawan-ah 181-Sakhi toll free wo­men helpline hi a hawng a ni. Servivce hi zing dar 9 aṭang tlai dar 5 inkar hawn a ni phawt ang a, chhun zan zawma hawn theih turin an la siam thuai dawn niin official-te chuan an sawi.

He helpline hi hmei­chhia, harsatna tawkten an biak a, an lo puih vat theihna tura siam a ni. Helpline hawngtu CM Sonowal chuan an state-a hmeichhe chunga pawikhawihna thleng ṭhin chu pawi a tih thu leh, ngaihthah chi a nih loh thu a sawi a, state sorkar chuan hetiang pawikhawihna thleng ṭhin titawp tura theihtawp a chhuah tur thu a sawi.