AP naupang bo South India-ah hmu

March 21 aṭanga Arunachal Pradesh-a Lohit district mi chin hriat hloha hmeichhe naupang pali bo chu, South India-ah hmuh an ni tih police-ten an sawi.

Deputy Inspector Ge­neral of Police (East) Uper Bitin chuan hmei­chhe naupangte hi kum 12-16 inkar an ni tih sawiin, Chennai leh Bengaluru inkara tlan rel-a an chuang hmuh an ni tih a sawi. Heng hmeichhe naupangte hi Railway police-ten an lo hmu niin a sawi a ni.

Hetihlai hian state Home Minister Kumar Waii chuan hmeichhe naupangte hi Lohit dis­trict SP Issac Petrin-an Vellore-a a thawhpuite punin Vellore-ah hmuh niin a sawi thung. Waii chuan heng hmeichhe palite hian hna thawh tur zawngin an in an chhuah­san niin a sawi bawk.

Hmeichhe bo zinga pakhat nu chuan Tezu police station-ah FIR a thehlut a, hemi hnu hian zawn zui an ni ta a ni. Heng hmeichhe naupangte hruai tur hian Tezu police team pawh tirh an ni tawh bawk niin DIG chuan a sawi.