Sorkar laipui leh NSCN(K)-in Ceasefire Agreement ziak

Sorkar laipui leh Naga helpawl, National Socialist Council of Nagaland (K) Niki group chuan Nilaini khan kum khat chhung atana inkahhai puanna, Ceasefire Agreement an ziak.

Ministry of home affairs chuan thuchhuah siamin, Ceasefire Agreement and Agreed Ceasefire Ground Rules ziah a nih thu hi a sawi. Hemi hma hian sorkar laipui chuan NSCN(M) chu 'framework agreement' a lo ziahpui tawh a, Naga helpawl dang - NSCN (NK), NSCN (R) leh NSCN (K) - Khango-te pawh inkahhai a lo puan pui tawh bawk.

Inkahhai puanna tura inremna hi Delhi-ah ziah a ni a, sorkar laipui aiawhin additional secretary Piyush Goyal leh NSCN(K) aiawhin Nikato Pilot Suni-ten hming an ziak.

Inremnaa an ziah angin inkahhai puan hi September 8 aṭanga hman ṭan niin, kum 2022 September 7 thleng a awh ang.