Sikkim-in Oct 1 aṭangin health service scheme hmang dawn

Sikkim sorkar chuan sorkar hnathawkte tana a duan, health service scheme Su-Swastha Yojana chu October 1 aṭangin a hmang ṭan dawn.

He scheme hian state sorkar hnuaia hnathawk nghet bakah central sorkar-in deputation-a a dahte a huam ang. Scheme hmang thei tura ziahluh tawh hi mi 56,280 an awm tawh hi official-te chuan an sawi.

Su-Swastha Yojana hi Sikkim sorkarin cashless health plan a siam niin, hospital 400 chuang an thawhpui dawn a, he scheme hi sorkar hnathawkte leh an chhungte mi 5 chinin an hmang thei ang. Damdawia inenkawlna, cashless inpatient (IPD) hi Rs nuai 10-20 thleng a huam thei dawn a, hei hi India ram state-ten an siam zinga huam tam ber a ni.