Smriti Irani-in Manipur a tlawh

Manipur assembly inthlan chu nakkum March thlaah neih a ni dawn a, political party hrang hrangte pawh inthlan neih tur atan hian an inbuatsaih ṭan tawh a ni.

Centre leh state a rorellai, BJP pawhin inthlan tur thlirin hma a la chho ṭan a, central lam pawhin ngaihvenin hruaitute pawhin hmalakna tur buaipuiin an tlawh ṭan a ni. He hmalakna kal zelah Inrinni khan union minister of women and child development, Smriti Irani pawh ni hnih cham turin a zin.

Union minister Irani hian Imphal-a state social welfare department-in an buatsaih, Poshan Maah a hmanpui a, anganwadi worker leh helper-te nen hun an hmang ho bawk. Hei bakah hian chief minister N Biren Singh nen inkawmin, state dinhmun leh mamawhte an sawidun bawk.

National People's Party (NPP) president leh Meghalaya chief minister Conrad K Sangma pawhin assembly inthlan neih tur thlirin a tlawh bawk. Kum 2017 assembly inthlanah khan NPP hian seat li a la a ni. NPP hi BJP kaihhruai ṭangrual sorkarah an tel a, an MLA palite pawh hi a tirah cabinet minister ah dah vek an ni a, a hnuah CM Singh chuan a ban leh vek a ni. Mahse an nawr nasat avangin NPP MLA pahnih chu minister-ah dah leh an ni.