Sikkim-ah kar khat chhung zirna in hawn hnuah khar leh nghal

Sikkim sorkar chuan state chhunga zirna in a khar hnuah school ṭhenkhatah zirlai eng emaw zatin Covid-19 hri an kai thar leh avangin zirna inte hi October 31 thleng atan a khar zui leh nghal.

Education secretary GP Upadhaya chuan September 6 khan school, class 9 chin chunglam leh college-te chu hawn a ni tih sawiin, Covid kaihhruaina dante zawm chungin zirna hi chhunzawm a nih thu leh, zirlai leh staff pawh 50% zela kaltir an ni tih a sawi. Mahse zirlai zingah Covid-19 kai an awm thar leh avangin sorkar chuan hri kai an pun belh zel a hlauhthawn vangin a khar leh ta nghal tih a sawi. School hawn hnua zirlai hri kai thar hmuhna hi South Sikkim-a Namthang, East Sikkim-a Rhenock, West Sikkim-a Yuksom leh North Sikkim district-a Mangan-a sorkar leh private school-ahte an ni.

Zirlai hri kai hmuh­chhuahte primary contact chu chhui zui nghal niin, hri kai pawh hi an pun chhoh a rinawm thu Upadhaya chuan a sawi bawk.