Assam-ah Van Dhan Vikas Kendra 440 siam dawn

Assam chief minister Himanta Biswa Sarma chuan an state chhunga tribal-te an eizawnna kawng chawikanna turin Van Dhan Vikas Kendra 400 siam a ni dawn tih a sawi.

Van Dhan scheme hi sorkar laipuia ministry of tribal affairs leh TRIFED in tribal hnamte eizawnna chawikan leh, an sum lakluh a pun theihna tura a duan niin, kum 2018 April thla khan he scheme hi hawn a ni. ‘Van Dhan Vikas Kendra’ hian tribal-te tan hian eizawnna leh an thil tharchhuahte zawrhchhuahna tur kawngah ruahmanna siamin, entrepreneur-te pawh a ngaihtuah tel bawk a ni.

Union tribal affairs minister Arjun Munda nena meeting an neih hnuah, Assam CM chuan an state-a tribal art& craft chawilarna atan leh, eizawnna ṭha siamna turin Van Dhan Vikas Kendra siam a nih tur thu hi a sawi a ni.

CM chaun sorkar laipuiin Assam-ah Ekalavya Vidyalayas pasarih, bakah Tribal Food Park panga, TRIFOOD-te a siam tur thu a sawi bawk.