NIA hmaah Nagaland CM hlui inlan

Nagaland Chief Minister hlui TR Zeliang chu thu­neihna a chan laia Naga helpawl, NSCN (K) leh hel­pawl dangte hnena sorkar sum pea puh a nih chungchangah, New Delhi-a National In­ves­tigation Agency (NIA) headquarters-ah a inlan.

NIA hian Zeliang hi thu zawhfiah turin a lo ko tawh a, mahse Ze­liang hian a kum upat chhuanlamin New Delhi emaw, Kohima emawa a inah thu zawt mai turin a ngen a ni. Mahse March 27 khan NIA hian hriattirna tichhuak lehin, Zeliang leh a personal secrtary K Francis Zeliang-te chu New Delhi-a Lodhi Road-a an headquarters-ah inlan turin a ti leh a ni.

Hetih lai hian Myan­mar-a hmunpui nei, NSCN (K) chuan helpawl dang, NSCN(I-M) in chhiah a lak chungchang chu ngaihthahah a puh thung. An hmelma, NSCN(I-M) chu sorkar laipui nena inremna kawng zawnga inbiakna nei mek an nih avangin sorkar chuan an chet dante chu a haider sak niin a sawi.

TR Zeliang hi chief minister a nih lai, kum 2012-2016 inkar khan helpawl hrang hrangte tana sorkar sum peah puh a ni a, hei bakah hian helpawlte hian dan loin chhiah an lak bakah, mi pawisate an chhuhsak ṭhin nia puh an ni bawk.