Assam-ah model tribal village 1,700 siam dawn

Union minister Arjun Munda chuan sorkar laipui chuan ram chhung hmun hrang hrangah thingtlang tihhmasawnna atan te, forest rights venhimna leh ram leilung fate humhalhna atan model tribal village 36,000 siam a tum thu sawiin, heng zinga 1,700 chu Assam-ah siam a ni dawn tih a sawi.

Thawhṭannia Guwahati-a press con­ference a neihah Union Minister chuan he thu hi a sawi a, Assam-a model tribal village siam tum chungchang hi chief minister Himanta Biswa Sarma pawh an sawipui thu a sawi. He programme hnuaia model village atana siam turah hian tribal populaton 50% awmna chu duhsak an ni dawn tih a sawi.

Arjun Munda hian Assam-a tribal affairs ministry hnuaia scheme hrang hrang kalpui dante enfiahin ni hnih chamin Assam hi a tlawh a ni. Mudna chuan ministry chuan tribal hnam tihhmasawnna turin scheme leh programme hrang hrang a kalpui mek tih a sawi a, Assam-a tribal devolopment programme kalpui dan a enfiah zingah Mechanism for Marketing of Minor Forest Produce leh Van Dhan Self Help Group-te pawh a tel. "State chhunga tribal hnamte thil siam hrang hrang 25 chuang min entir bawk a, a phurhawm hle a ni," a ti.

Union Minister hian CM Sarma bakah governor Jagdish Mukhi leh official dangte a kawm bawk a ni.