Nagaland journalist-ten Governor Ravi thlahna inkhawm boycott

Nagaland-a Kohima Press Club (KPC) chuan Thawhlehnia an state governor kalchhuak, RN Ravi thlahna inkhawma buatsaih chu Governor chunga an lungawi lohna lantirin an boycott.

RN Ravi hi Nagaland peace talk-ah sorkar laipui aiawhtu a nih bakah, kum 2019 aṭang khan Nagaland governor a ni bawk. Mahse Governor leh interlucotor a nihna angin Nagaland-a a awm chhung hian press conference a nei ngai lo.

KPC president Alice Yhoshu chuan, "RN Ravi hian journalist-te a ngaihthah bakah, KPC leh Nagaland Press Association-te pawh a ngai pawimawh lo hle. Governor a nih chhung hian tualchhung media mite chauh ni lo, national news agency-te pawh interview a neihpui duh ngai lo a ni," a ti. Hei vang hian a chunga an lungawi lohna lantirin, Thawhlehni zana Cheif Minister chenna ina state banquet hall-a a thlahna inkhawm buatsaih chu an boycott tih an sawi.