Pension ni la lain an sum lak tur pek nghal kan tum : Assam CM

Assam chief minister Himanta Biswa Sarma chuan sorkar hnathawk pension-te chu an pension ni la lain an pension sum lak turte pek theih nghal tumin a kaihhruai sorkar chuan hma a la mek tih a sawi.

Directorate of Pension and Public Grievances hnathawhte thlirin, CM chuan officer-te hnenah Krityagata and AMTRON pension portal-te chuan nakkum January hmaa treasury office nen thlunzawm hman vek a, pension disbursement system pawh chak zawk leh paperless-a kalpui turin a hrilh.

State sorkar enkawl, AMTRON hi Information Technology department nodal implementing agency a ni a, Krityagata hi Directorate of Pension and Public Grievances-in online pension sanction leh payment tracking system a hman a ni bawk.

CM chuan thla khata pension case 1,000 chinfel ṭhin pawh 1,500-ah tihpun tum a nih thu a sawi bawk a ni.

Pension-a chhuakte an chawlh ni la la Pension Payment Orders (PPOs) tihfel a nih nghal theihna turin, pension turte chuan an chawlh tur hma thla rukah an document-te an thehluh fel vek a ṭul dawn thu CM chuan a sawi bawk.