Fake encounter : NHRC-in report thehlut turin Assam police ti

Assam police-ten inbeihna lem, fake encounter an nei ṭhin nia puhna chungchangah National Human Rights Commission (NHRC) chuan Assam-a director general of police (DGP) hnenah Thawhlehni khan hriattirna pein, kar li chhunga Action Taken Report (ATR) thehlut turin a ti.

New Delhi based lawyer, Arif Jwadder chuan NHRC-ah hian complaint thehlutin, Assam police-te chu fake encounter kalpui leh, human rights nasa taka palzutah a puh a ni. NHRC chuan Jwadder complaint thehluh copy hi Assam DGP hnenah a thawn nghal bawk a ni.

Commission chuan state human rights commission aṭangin hriattirna an dawng tawh em tih zawt nghalin, an dawng a nih chuan order copy chu kar li chhunga thehlut turin a ti a, State commission pawh thla li chhunga chhanna pe turin a ti bawk.

Kumin May thlaa Assam-a BJP sorkar thar a din hnuah Assam police-te hian an mi hren lai tlanchhuah tum leh ralthuam chhuhsak tuma nia an puh, mi 24 vel an kaphlum tawh a, mi dang 39 kah hliam an ni tawh bawk.