ULFA(I) hotu Paresh Baruah lakah thubuai thehlut

National Investigation Agency (NIA) chuan United Liberation Front of Asom (Independent) self styled commander-in-chief Parsh Baruah leh an pawl member dang palite lakah chargesheet a thehlut.

NIA chuan Paresh Baruah leh a ṭhuihruaite hi kum 2019-a grenade hmanga police-te beihna leh India doa puh chungchangah chargesheet hi special court-ah an thehlut a n.i. Police party beihnaah hian mi 12 in hliam an tuar a, Paresh Baruah ngei pawhin mawhphurhna a lak thu a lo sawi tawh bawk a ni, an ti. IPC leh UA(P) section hnuaiahte thubuai hi siamsak a nih thu an sawi bawk.

Grenade hmanga police party beihna thubuai hi NIA hian a chhui a, thubuai hi a ziaklut ṭha leh a ni. Thubuai an siamsakte hi he pawikhawihna thlengah hian an inhnamhnawih ngei ni tih finfiahnate pawh an hmuh belh tih an sawi.