Tripura-a Howrah luiah Tuikhuah pahnih siam dawn : CM

Tripura Chief Minister Biplap Kumar Dep chuan a kaihhruai sorkar in Howrah luiah tuikhuah(dam) pahnih siam a tum thu a sawi.

Biplap Kumar Dep chuan an state khawpui leh a chhehvelah fur laia lui tui a tam avangin tui a len nasat ṭhin thu leh ṭhal laiin thlai tui pek tur takngial pawh an harsat leh thu a sawi a, hemi anih avang hian tui lama harsatna tihziaawm nan Howrah lui hnar lama Baramura hills-ah tuikhuah pahnih siam an tum thu a sawi a ni.

Deb chuan tuikhuah pakhat zawk chu metre 25 a sang a nih dawn thu leh pakhat zawk chu metre 15 a sang a ni dawn tih a sawi a, kum hnih chhunga siam zawh hman an tum thu a sawi bawk.

Tuikhuah siam nan hian cheng vaibelchhe 150 ruahman a ni. Chief Minister chuan tuikhuah hmang hian tui tam tak chhekkhawl a nih dawn thu leh Agartala leh a chhehvela-a tui intur mamawhna nasa taka a sutkian dawn thu a sawi.

CM chuan tuikhuah hian luia lawng hmanga kalkual­naah hmasawnna a thlen dawn tih sawiin khualzin mite hipna tur ṭha tak a ni dawn a ni, a ti. Lui kam vel te chu cheiin lawng hmangin km 25-a thui a kal theih dawn tih sawiin Dep chuan khaulzin mite hipna tur ṭha tak a ni dawn tih a sawi bawk.