Meghalaya : Garo Hills-ah Ralthuam ṭahhnem tak hmuchhuak

Meghalaya East Garo Hills district-ah ralthuam leh silaimu ṭhahnem tak hmuhchhuah a nih thu Thawhṭanni khan police official-te chuan an sawi.

Superintendent of Police Ringran T G Momin chuan an thudawn bawhzuiin Pathianni zan khan Dorengkigre thingtlang khuaah pistol 21 leh magazine eng emaw zat an laihchhuah thu a sawi a, walkie-talkie set hnih, thal mu leh Garo National Liberation Army (GNLA) chungchang lehkhabute an laihchhuah thu a sawi a ni.

Momin chuan an ral­thuam laihchhuah te hi GNLA-ten kum tam tak kaltaa an phum a nih a rin thu a sawi a, an ralthuam laih chhuah te hi a tuiek nasa tawh tih a sawi bawk.

GNLA hruaitu pa ber Sohan D Shira chu Feb­ruary thla khan a biruk­na hmunah kahhlum a lo ni tawh a, Shira hi NCP Candidate Jonathone K Sangma thattu ber nia ngaih a ni. A lu manah hian cheng nuai 10 dah a ni nghe nghe.

Shira thah a nih hnu lawkah GNLA mi leh sa pariat chu home minister James Sangma kutah an lo inpe tawh bawk a ni.