Assam-ah MGNREGA hna zawh loh tam

Assam chhunga Ma­hat­ma Gandhi National Rural Employment Gua­rantee Act (MGNREGA) hnuaia hna 4,14,551 kalpui zinga 36% chu 2006-07 chhung khan zawh a nih loh thu Thawh­lehni khan Assemby-ah Naba Kumar Doley chuan a sawi.

AGP MLA Phani Bhu­san Choudhury zawh­na chhangin Panchayat and Rural Development Minister Naba Kumar Doley chuan Act hman ṭan a nih aṭang khan hna 4,14,551 thawh mek a nih thu a sawi a, heng zinga 2,64,976 chu zawh a nih tawh thu leh 1,49,575 zawh tur a la awm thu a sawi bawk.

Heng bakah hian MGNREGA hnuaia hna thawh mek 4,497-te chu zawh lohin chawlhsan a nih thu a sawi.

Minister chuan thing­­tlang mite hnenah cheng vaibelchhe 76.67, an hlawh tur la sem a ngaih thu a sawi bawk. Sorlar laipuiin pawisa a pekchhuah velah heng pawisa te hi sem a la ngaih thu sawiin sorkar laipui chuan cheng vaibelchhe 9,264.97 chu MNREGA hnuai­ah hnathawh nan a hman tawh thu a sawi a ni.

Assam chhungah job card nei chhungkaw 42,91,433 an awm thu sawiin heng zinga chhung­kaw 25,96,096 chiah hian hna ṭha taka an thawh thu a sawi bawk.