India rama Engineer zirna ṭha pasarihna IIT-Guwahati

Ministry of Human Re­source Development (HRD) kaihhruaina hnuaia awm National Insti­tutional Ranking Frame­work (NIRF) 2018 Thawhlehnia tih­chhuahah Indian Insti­tute of Technology (IIT), Guwahati chu ram chhunga Engineer zirna ṭha thlanchhuah zingah pasarihna a ni.

Hetih lai hian overall ran-king-ah chuan 12-na a ni thung.

IIT(G) Director Gau­tam Bis­was chuan ram chhunga enginee­ring institution ṭha thlan chhuah zingah pasarihna an nih thu sawiin Engi­neering leh Science-ah an performance a ṭhat thu a sawi a, inter-disciplinary lamah ṭan lak nasat an ngaih thu a sawi.

Biswas chuan Science leh Engineering thlun zawm nasat lehzual a ṭul thu a sawi a, Overall Cate­gory-ah pawh hma an sawn zel theih thu a sawi a, manage-ment science kaihnnawih lamah nasa zawka rilru an sen a pawimawh thu a sawi bawk.

Management leh soft skills kalpui chuan hna zawnna kawngah leh entrepreneurial scope lamah zirlaite tan hma­sawnna a thlen thu sawiin heng kalpuina hian overall ranking-ah pawh hmasawnna a thlen dawn tih Director chuan a sawi bawk a ni.