Sikkim - Darjeeling inkar Kawng siam chungchang ngaihtuah

Gorkhaland Territorial Adminis­tration (GTA) chairman Binoy Tamang chuan Sikkim Chief Minister Pawan Chamling nen meeting an neih ṭumin Sikkim leh Daejeeling inkalpawhna tur kawng pali siam tura ruahmanna a neih chungchang a sawipui.

Tamang chuan reporter-te hmaah Sikkim CM nen hian March 27 daih tawh khan meeting an neih thu a sawi a, Chamling pawh hian a ruahmanna siam hi a pawmpui thu a sawi bawk.

Sikkim chuan Darjeeling nena an inkalpawhna nan Lopchu-Peshok kawng­pui tihchangtlun an tum thu sawi­in kawngpui pali siam tura ruahmanna a siampui thu a sawi.

Kawng hmasa berah hian Bijanbari Block-a Lodhoma-ah lei dawh a nih dawn thu a sawi a, hemi hmang hian state dang te nen an inkalpawh thei dawn a ni, a ti.

Jorethang-Nayabazar inkarah pawh kawng an siam dawn thu sawiin Darjeeling leh Sikkim inkalpawhna tur tho Majitaar-ah pawh lei dawn an tum tih a sawi bawk. A kawng palina tur chu Badamtam tantlang tur a nih thu sawiin, Shanti Basti aṭagin lei metre 20-a thui dawh a ṭul dawn tih a sawi.