India tan gold medal hmasa ber
Commonwealth Games 2018 chu Ningani zan ṭang khan Gold Coast, Australia-ah neih ṭan a ni. India tan Mirabai Chanu-i chuan nimin khan 48 kg category-ah gold medal a chawi chhuak nghal.
Kum 23 mi Chanu hian Snatch-ah 86kg chawiin, Clean and Jerk-ah 110kg a chawi bawk a, gold medal dawng tura a chawi zat chu 196kg niin Commonwealth Games record a siam nghal a ni.
Inelna neih ṭan ni hian India chuan a medal hmasa ber a la nghal tawh bawk. Mipa 56kg weightlifting huangah P. Gururaja chuan 249kg (111kg+138kg) chawiin silver medal a dawng nghal a, ṭum dang zawng aiin India hian inelna bul an ṭan fuh chho hle.
Badminton inelna huangah world number 2 Kidambi Srikanth chuan singles match hmasaah harsa lo takin Sri Lanka tlangval Niluka Karunaratne chu 21-16, 21-10 in a hneh a, team inelnaah India hian Sri Lanka 5-0 in a sawp.
India medal beiseina pakhat hmeichhe hockey-ah erawh beisei angin India-in bul an ṭan fuh lo. An match hmasa berah Wales 2-3 in an hneh lo. India hian si hnih an phurh hnuah Rani Rampal leh Nikki Pradhan te hmangin an sut a, mahse hun tawp dawnah goal an chhuah leh avangin an tlawm.