Assam-ah Fast Track Court din dawn

Assam Chief Minister Sarbananda Sonowal ngenna angin Gauhati High Court chuan naupang leh hmeichhia-te pawngsual leh thah case nitina ngaihtuah theihna tur Fast Track Court chu district tinah din a ni dawn tih Guwahati-a thuchhuah an siamah an tarlang.

Chief Minister Sarbanada Sonowal chuan March 26 khan Gauhati High Court-ah hian lehkha thawnin High Court Chief Justice hnenah Nagaon district-a hmeichhe naupang pawngsuala thah a nih avang khan district tinah pawngsual leh inthahna thleng chungchang ngaihtuah tur fast track court din turin a lo ngen tawh a ni.

Ninagni khan CM ngenna hi Admi­nis­trative Committee mi pathum awmna, chief justice leh senior judge pathumte chuan ngaihtuahin district tinah fast track court din turin thutlukna an siam tih Court thuchhuah chuan a tarlang.

Committee chuan court siamna atana mamawh te chu state sorkar ngaihtuah turin an ti a, judge post leh staff ṭul ang te ngaihtuah turin a ti bawk.