Eptu awm loh Nagaland sorkar hmingah UDA vuah

Nagaland-a political party hrang hrangten eptu pawl awm lohna ṭangrual sorkar an din chu United Democratic Alliance (UDA) tia vuah a ni

Kar liam ta Inrinni khan Imphal-a State Banquet Hall-ah state MLA te zawng zawng chuan meeting neiin, sorkar hming tur hi lungrual takin an pawm.

Nagaland-a party hrang hrangte hian Nagaland political issue chinfel a nih a, inremna siam a nih theih tura chak zawka nawr a nih theihna turin eptu awm lohna tangrual sorkar siam hi an lo rel a, August 16 khan rorellai, Nationalist Democratic Progressive Party (NDPP), Bharatiya Janata Party (BJP) leh independent MLA pahnihte chuan sorkar siampui turin eptu pawl Naga People's Front (NPF) chu an lalut a, Nagaland United Goverment tiin an vuah phawt a ni.

Seat 60 awmna Nagaland Assembly-ah hian member 59 an awm mek. NPF chuan MLA 25 neiin party mala seat ngah ber a ni. NDPP chuan MLA 20 neiin, BJP in 12 leh independent MLA pahnih an awm bawk.