Assam RS by-poll-ah Sarbananda Sonowal ding dawn

Assam-a Rajya Sabha member thlanna neih turah chief minister hlui leh tun hnaia union minister atan lakluh, Sarbananda Sonowal chu BJP candidate atan ruat a ni.

Sonowal hi union minister atan lakluh ni tawh mah se Parliament member a la ni lo a, hei vang hian lakluh a nih aṭanga thla ruk chhung ngeia Parliament member atana thlan thlin a ngai a ni. Assam-ah Biswajit Daimary chu assembly speaker atana ruat a nih avangin Rajya Sabha member a nihna aṭangin a bang a, a seat hi a ruak mek a ni.

Assam-ah BJP chu rorellai an nih avangin Sonowal hi tling chiang sa tura ngaih a ni bawk.