Meghalaya-in zirna atan Rs Vbch 100 dah : CM
Meghalaya Chief Miniser Conrad K Sangma chuan Zirtawpni khan an sorkar chuan zirna an ngaihpawimawh thu leh zirna lama hmasawnna turin cheng vaibelchhe 1000 an dah thu a sawi.
Conrad K. Sangma chuan education sector atan cheng vaibelchhe 1000 an dah thu sawiin, he sector-ah hian sum mamawhna a san em avangin hetiang zat sum pawh hi a la tawk zo dawn lo tih a sawi bawk.
K. Sangma chuan state sorkar chuan education policy enfiah tur task force an din thu te, thla thum danah report an thehlut ṭhin tur thute a sawi.
Sangma chuan Sarva Siksha Abhiyan school zirtirtute hlawh pawh pek vat a ṭul thu a sawi a, thla sarih aia tam mah hlawh an lak theih tawh loh pek leh tura hmalak chu an sorkar thar tan chona lian tak a nih thu a sawi bawk.
Chief Minister chuan school 150-ah classroom an pek belh dawn thu sawiin science leh mathematics-a ṭanpuitu tur activity-based aids pawh an ngaihtuah sak dawn tih a sawi.
CM chuan sorkar chuan women helpline, 181 an siam thu sawiin district pali- Ri-Bhoi, East Khasi Hills, Jaintia Hills leh West Khasi Hills district-a mihring hmanga sumdawnna danna tur a nih thu a sawi a, district pasarihah hmeichhe police station an din pawh hemi kawnga an hmalakna a nih thu a sawi a ni.