Imphal direct flight Air Asia in tlangzarh

Air Asia chuan nimin khan Imphal leh Delhi inkar thlawk tur direct flight a tlangzarh. Kar khatah ni sarih chhung a thlawk ziah dawn a, chhun dar 12.25 leh 12.55-ah Imphal aṭangin a thlawkchhuakin a ṭum leh ṭhin dawn a ni.

Air Asia official thuchhuah chuan North East Development Summit (NEDS) nikum November 21 leh 22-a neihin a hrinchhuah hmasawnna a nih thu an tarlang.

President Ramnath Kovind-an Imphal-a a hawn Ni hnih awh Summit neih a nih lai khan Manipur state sorkar leh Air Asia hian inremna memorandum of understanding (MoU) an ziak a ni.

MoU hi Chief Minister N. Biren Singh-an Manipur leh ramchhung hmundang inkalpawhna ṭha a duh thu a sawi bawhzuinaa siam a ni.

Chief Minister hian January 4 khan press conference-ah Air Asia leh Airports Authority of India thuneitute chuan Imphal-Delhi direct flight April thlatirah an thlawhtir dawn tih a lo sawi tawh bawk.