BJP in ṭhalaite tan sorkar hna tiam lo : Tripura CM

Tripura Chief Minister Biplap Kumar Dep chuan Inrinni khan Agaratala-a ‘Pradhan Mantri Vikas Yojana’ hun a hmanpuina a thu a sawi­naah BJP in state chhunga ṭhalai zawng zawngte sorkar hna an pek vek dawn loh thu a sawiin hetiang hawi zawnga thu an tiam loh thu a sawi.

Chief Minister chuan an hma­thlirah chuan chhungkaw tina mi pakhat talin hna an neih theihna tur an ngaituah dawn thu a sawi a, ṭhalai zawng zawng tan sorkar hna erawh an tiam loh thu a sawi a ni. BJP chuan hna erawh siam belh a tum thu sawiin eizawnna atana skill development lamah hma an lak dawn thu a sawi thung.

CM chuan sorkar hna hmangin ramin lakluh a neih theih loh thu sawiin pawisa hmanchhuahna a nih zawk thu a sawi. India rama mihring awm zawng zawng aṭanga 54% chu ṭhalai kum 25 hnuailam an nih thu a sawi a, Tripura-ah pawh ṭhalai hna nei lo nuai 7 chuang an nei tih a sawi. BJP chuan heng ṭhalai zanwg zawng tan hian sorkar hna a pek vel theih loh thu sawiin eizawnna kawng erawh an kawhhmuhsak thei tih a sawi.

Ṭhalai te thiam bik neihtir chu state hmasawnna tehna pakhat a nih thu a sawi bawk.