Nagaland Dy. CM-in police hotu thlak duh

Nagaland State Deputy Chief Minister Y Patton, State Home Minister ni bawk chuan Nagaland State Police Chief, Director General of Police, Rupin Sharma (IPS) chu a duhkhawp lo hle a, Union Home Minister, Rajnath Singh hnenah Director General of Police (DGP) thar dilin lehkha a thawn.

A lehkha hi March 28-a a thawn tawh nia inziakin Home Minister letterhead leh signature-a awm , Thawhṭanni khan social media lamah a darh nasa hle a ni.

Lehkhathawnah hian Home Minister chuan Sharma a thlak a dil chhanah hian kum 30 experience a la neih tlin loh thu leh state police head tur tan chuan experience a neih ṭhat tawk loh thu a ziak.

Hetih lai hian state Home Department leh police head­quarters chuan thuchhuah eng­mah an la nei lo a, lehkhathawn hi Home Minister thuziah a ni ngei em tih pawh an la sawi chiang lo thung.