Assam hospital 14-in oxygen generation plant nei tawh

Assam hospital 14-te chuan oxygen generation plant an nei tawh a, heng plant aṭang hian ni khatah oxygen metric tonne 15.71 an siamchhuak thei tawh a ni.

PM CARES Fund aṭagnin assam hian oxygen generator 40 a dawng tawh a, heng zinga 14-te hi state chhung hmun hrang hranga hospital-ah dahin, a bak generator 26, metric tonne 47.69 siam chhuak thei tur pawh hawn thuai an ni dawn tih chief minister Himanta Biswa Sarma chuan a sawi.

CM Sarma chuan, "Oxygen generation plant-te hian health service delivery system chu nasa takin a pui thei dawn a ni. Kan state chu oxygen siamchhuah kawngah kan intodelh thei dawn a, hei bakah hian emergency thilah ṭhenawm state-te pawh medical oxygen kan pe thei dawn a ni," a ti.

Covid-19 hri leng thawh thumna a thlen palh pawhin, Assam chuan hri kaite enkawlna turin oxygen a mamawh ang chu a nei thei tawn dawn tih CM chuan a sawi bawk.

Oxygen generation plant hi Fakhruddin Ali Ahmed Medical College and Hospital, Barpeta; Goalpara Civil Hospital; Guwahati Medical College and Hospital; Swahid Kushal Konwar Civil Hospital, Golaghat; Sub-Divisional Civil Hospital, Bokakhat; Bhogeswari Phukanani Civil Hospital, Nagaon; Sivasagar Civil Hospital; Singimari Model Hospital; RNB Civil Hospital, Kokrajhar; Tezpur Medical College and Hospital; Tinsukia Civil Hospital; Sonari Civil Hospital; S.K Roy Civil Hospital, Hailakandi leh Kalapahar COVID Hospital-ahte dah a ni tawh a ni.