Tripura : School-ah NCERT syllabus hmang dawn

Tripura sorkar chuan nimin khan thuchhuah siamin an state chhunga school zawng zawngah education system in hma a sawn nan National Council of Educational Research and Training (NCERT) syllabus hman an tum thu an tarlang.

Sorkar hian hemi kawnga hma an laknaah hian educationist leh academic expert-te thurawn an la dawn tih an tarlang bawk.

Education Minister Ratan Lal Nath chuan Left Front sorkar hunlai khan mark ṭhat ṭhin hu ang aiin hna hmu an tlem ṭhin tih sawiin zirna kawnga nasa zawka hmasawnna a awm theih nan NCERT syllabus school-level-ah hman an tum tih a sawi.

Minister chuan tuna an syllabus hman mekah hian mihring pawimawh vak lo chanchin an zir nasat thu leh national hero-te chanchin a tlem leh si tih a sawi a, state leh region mil zirlai syllabus tharah chuan telh a ni dawn tih a sawi bawk.