Tripura CM-in Agar Policy tlangzarh

Tripura chief minister Biplab Kumar Deb chuan Nilainia Agaratala-a Agarwood Products buyer-seller meet-ah 'Tripura Agar Policy 2021' a tlangzarh.

Tripura Agarwood Products Buyer-Seller meet hi Nilaini leh nimin khan neih niin, he meet hi Agarwood industry chawilarna leh innghahna tlaka siamna tur kawng ngaihtuahna atana Confederation of Indian Industry (CII), Non-Timber Forest Product Centre of Excellence, Forest Department of Tripura government and Tripura SCATFORM Project-ten an buatsaih a ni.

Meet hmanpuitu, CM Deb chuan Agar Policy a tlangzarh rual hian a kaihhruai sorkar chuan Agarwood sector tihhmasawn chu a ngai pawimawh hle a ni tih sawiin, state mipuite chu mahni intodelha siam vek tumin, hmasawnna tluantling thlen tumin an bei mek tih a sawi.

Tripura Industrial Develop­ment Corporation Limited chairman Tinku Roy chuan an state-ah Agar plant hi kung nuai 50 chuang awm mah se, sorkarin policy mumal a neih loh avangin a chingtute pawhin engmah hlawkna an hmu thei lo a ni, a ti. Policy mumal tak a awm chuan Agar aṭang hian kum reiloteah Rs vaibelchhe 2,000 thlengin sum an lalut thei dawn a, mi tam takin eizawnna leh intodelhna atan an hman theih phah dawn a ni, a ti.