Border issue : Committee-ah telh loh vangin KHADC hotu a lungawi lo

Khasi Hills Autonomous District Council (KHADC) Chief Executive Member (CEM) Titosstar Chyne chuan Meghalaya sorkarin Assam nena ramri buaina an neih chungchang chinfel dan tur buaipuitu tur, region committee-ah telh an ni ve lo chu an lungawi loh thu an sawi.

State sorkar chuan cabinet minister-te kaihhruaiin regional committee-te hi a din a ni. A hmaa meeting neihah Autonomous District Council (ADC) hi telh an ni tawh a, mahse tunhnaia meeting neihah erawh telh an ni tawh lo thung a ni.

ADC chuan document ṭha tak takte an neih avangin ramri buaina chinfelna kawngah pawh chanvo pawimawh tak an nei a ni, tiin Chyne chuan a sawi. Tun ṭumah pawh hian khawtlang hruaitu hrang hrangte kawmin document-te an lakhawm a, report pawh an peihfel hnai tawh tih sawiin, hetih laia sorkarin committee-naa a telh ve lo chu mak an ti hle tih a sawi.