Tripura sorkarin post thar 11,800 siam dawn

Tripura sorkar chuan Social Welfare leh Educa­tion department hnuaiah post thar 11,800 a siam dawn. Hei hi kumin April 1-a an hna tawp mai tur, ad hoc teacher 10,323 zet ten hna an thawh chhunzawm theihna tura a tih a ni. 

Rorellai BJP sorkar chuan inthlan dawna 'Vision Document' a tih­chhuahah, ad hoc teacher-te chungchang chu ngaih­tuah chhunzawm sak a lo tiam tawh a ni. 

Sorkar hmasa, Left Front sorkarin kum 2017-a non-teaching post 12,000 a siam chu Supreme Court chuan a dansak a ni. Mahse sorkar thar chuan heng zirtirtu, an hna chan mai turte chungah khawngaihna lantirin post thar hi siam a ni dawn tih education minister Ratan Lal Nath chuan a sawi. Post thar hi contractual basis-a siam a ni ang. 

Sorkarin post thar a siam tur zingah 1,200 chu Elementary Education Department hnuaiah niin, program assistant 5,600, student counsellor 3,400, library assistant 1,500 leh academic counsellor post 1,200 siam a ni dawn a ni. 

Hna thar lak hun tur hi tihchian la ni lo mah se, March 31  hmaa lak hman an tum nia sawi a ni.