Manipur-ah swine flu vei pahnih awm

Manipur health offi­cial chuan mi parukte sample la a, enfiah a nih hnuah  an zinga pahnih chuan swine flu an vei tih hriat a nih thu a sawi. 

Director of Manipur Health Services K Rajo chuan state pawn lam aṭanga haw, mi parukte sample hi Pune-a National Institute of Virology-ah novel coro­na­virus an kai leh kai loh enfiah tura thawn an ni tih a sawi. 

Novel coronavirus hi an kai lo tih hriatchhuah a nih rualin pahnih chuan swine flu an vei tih hriatchhuah a ni ta thung a ni. 

Swine flu vei hriat­chhuah zinga pakhat hi tunhnaia China rama zin a ni a, midang pakhat nen pawh hian a hnuah an intlawhpawh zui niin Rajo chuan a sawi. Mahse swine flu an kai hi a nasa lo tih sawiin, anmahni inah enkawl zui tura dah an ni a, an chhungte pawh damdawi pek nghal an nih thu a sawi. 

Rajo chuan coro­navirus kai an awm leh awm loh enfiah turin Imphal International Airport leh border town hrang hrangah centre siam a ni tih a sawi bawk.