Congress-in Assam Police chet dan dem

Congress party hruaitu Rahul Gandhi chuan civil mite chunga Assam police-te chet dan chu a dem thu sawiin, sorkar hriat puia heng silaite hi kah chhuah a nih thu sawiin, hetiang thil hi India mi tumahin an tuar tur a ni lo, a ti.

Assam Pradesh Congress Committee (APCC) president Bhupen Kumar Borah pawhin police-te a dem thu sawiin, Covid hri len laia sorkarin hnawhchhuah hna a kalpui chu thil tihawm lo leh lainatna a neih lohzia a lantir a ni, tiin a sawi. Borah chuan, "Supreme Court pawhin hripui len laia inhnawhchhuah hi kalpui lo turin a lo ti tawh a. Mahse CM Himanta Biswa Sarma kaihhruai Assam sorkar chuan hei hi ngai pawimawh loin, Dholpur area-a kum 1970 chho aṭanga chengte chu hnawhchhuah luih a tum a ni," tiin a sawi.

Congress hruaitu chuan state sorkar chuan hnawhchhuah hmain an insawnna turte ngaihtuahsak hmasa se an duh thu sawiin, kum 2016-a Assam-a BJP-in thuneihna an chan aṭangin heng mite hian tihduhdah leh tihnawmnah an tawk fo a ni, a ti.