Manipur-ah Tribal leader kaphlum

Manipur-a tribal leader, tribal council Zeliangrong Baudi president hlui Athuan Abonmai chu Nilaini zing khan Tamenglong district headquarters aṭanga rukbo a nih hnuah, hemi ni vek hian Palong khuaah thia hmuh a ni a, a taksaah silaia kahna hnute a awm.

Athuan Abonmai rubotute hian hriatchian an la ni lo a, mahse NSCN-IM helpawl nia hriat an ni.

Zeliangrong Baudi president hlui a nih bakah, Abonmai hi regional political party, Naga People's Front (NPF) ah general secterary a lo ni tawh bawk a, kum 2012 state assembly-ah hian Tamei bialah NPC candidate a lo ni tawh a ni. Nilaini zing khan 'Go to Hill's programme hmang tura district headquarters a pan hnuah rukbo a ni zui ta a ni.

Pawl hrang hrang chuan he thil thleng hi an dem thu sawiin, pawikhawihtute man chhuak ngei turin thuneitute an phut. Thil awmdan chhui chiang turin Inspector General of Police kaihhruain Manipur police leh Manipur Rifles combined team pawhin district hi an pan nghal bawk.