Imphal Airport-ah ID lem hman avangin Myamar mi pathum man

Central Industrial Security Force (CISF) chuan Pathianni khan Myanmar mi pathum chu India ID lem hman vangin Manipur-a Imphal Airport-ah an man.

An mi man te hi hmei­chhe pahnih leh mipa pakhat an nih thu sawiin, Adhaar card lem pawh an kut aṭang hian an man bawk tih CISF chuan a sawi a, Bengaluru pan tum an nih thu a sawi bawk.

Officer duty chuan an driving license chu a rinhlelh avangin thu zawhfiah turin an dah hrang tih CISF Official chuan a sawi. Driving licence chu Manipur-a Churachandpur district aṭanga an siamtir tih an sawi thu leh Bengaluru-a kal nan hman an tum thu a sawi.

An mi man te hi Police kutah an pe tawh bawk a ni.