Meghalaya CM in Union Coal Minister hmu

Meghalaya Chief Minister Conrad Sangma chuan Pathianni khan Union Coal Minister Piyush Goyal chu New Delhi-ah hmu in state chhunga lungalhthei laih chhuah khap chungchang a sawipui.

Chief Minister’s Office thu­chhuah chuan Goyal hian a theitawp a chhuahpui dawn thu an tarlang.

National Green Tribunal (NGT) chuan kum 2014 aṭang khan Meghalaya-ah hian lungalhthei laihchhuah an khap a, environment a tihchhiat vang leh lungalhthei khura thawkte an him tawk lo nia sawia petition thehluh a awm avangin NGT hian an khap a ni.

Union Minister chuan buai­na hi chinfel vat dan tur kawng a zawnpui dawn tih a sawi. Sangma chuan lungalthei laihchhuah chu an state leh a chhehvel tan thil pawimawh tak a nih thu a sawi a, state chhunga helam kawnga hna ṭan leh a nih theih dan turte pawh union minister nen hian a sawidun thu a tarlang.

CM hi PWD Minister Pres­tone Tynsong, Tourism Minister Metbah Lyngdoh leh Sports and Youth Affairs Minister Banteidor Lyngdoh-ten an ṭawiawm a ni. CM hian hemi chungchangah Prime Minister Naredndra Modi pawh hmuh a la tum a ni.

Kar liam ta khan Meghalaya state cabinet hian Assembly-ah lungalhthei laihchhuah khap chung changah sorkar laipui nawr turin thutlukna an lo siam tawh a ni.