AP-ah Hindu pilgrimage site siamṭhat hna thawk ṭan

Sorkar laipui chuan Arunachal Pradesh-a Lohit lui kamah Hindu hmun pawimawh, Parshuram Kund siamṭhat hna a thawk ṭan.

He project thawhna tur, cheng vaibelchhe 37.88 hi union ministry of tourism-a Pilgrimage Rejuvenation and Spiritual, Heritage Augmentation Drive (PRASHAD) scheme hnuaiah pek a ni.

PRASHAD hi central sector scheme niin, kum 2014-15 a siam a ni a, he scheme hnuaia project thawhna senso chu sorkar laipuiin a tum vek a ni.

Khualzinte bakah sakhaw thila biakzina kal ṭhin tam zawk hip luh an nih theihna turin tourism infrastructure-te ṭhuam that a, tualchhung mite tana hna tam zawk siam leh economy tihhmasawn te chu a tum a ni.

Parshuram Kund hi Lohit district-a Tezu khaw hmarlam km 21 vela hlaa awm a ni. Ram chhung hmun dang leh Nepal aṭang tein Hindu sakhaw zuituten an tlawh fo ṭhin.

Kum tinin January thlaah Makar Sankranti pualin sadhu leh Hindu sakhaw zuitu mi 70,000 vel chuan luia inchiah turin he hmun hi an tlawh thin a ni.