Manipur CM-in Abonmai chhungte hnenah ngaihdam dil

Manipur-a Naga leader Athuan Abonmai thah a nih chungchangah Manipur chief minister N Biren Singh chuan a chhungte hnenah ngaihdam a dil.

Abonmai hi kar liam ta Nilaini khan National Socialist Council of Nagalim (NSCN-IM) hel nia hriatte chuan Tamenglomg-a sorkar programme buatsaih hmang tura a kal chu ruboin, hemi ni vek hian rukbo a nihna atanga km 7-a hlaah a ruang hmuh a ni a, silaia kahna hnute a awm a ni. Social media lama video darhah chuan Abonmai hi police-te hnuh kai ngaiin jeep-ah hian hruai luh a ni. He thil thleng hian mipuite a tithinur hle a, lungawi lohna pawh an lantir a ni.

Home department changtu ni bawk, CM Singh chu police-te chungah a lawm lo hle a, police-te chu inrawlh vat a, a nunna chhanhim thei tur an ni, a ti. Sorkar chuan police 16 a suspend tawh.

CM chuan helho leh police-te hi an intiamrual nia hriatna a awm chuan he case hi National Investigation Agency hnenah an hlan dawn tih a sawi bawk.