Tripura-ah steel stockyard siam dawn

Union minister of state for steel Ram Chandra Prasad Singh chuan Sabroom, Tripura-ah sorkar laipuiin steel stockyard a siam dawn tih a sawi.

Agartala-a press conference a neihah, Singh chuan hmarchhak bialin steel an mamawhna a sang hle chungin raw material awm ṭhat tawk loh avangin steel plant pawh siam theih a ni lo a, hei vang hian hmarchhak bial tana supply thei turin Sabroom-ah stockyard hi siam a ni dawn tih a sawi a ni.

Union minister chuan Agarata-Akhaura rel kawng pawh tihlen a ni ang a, hemi hmang hian man tlawm leh rang zawkin Bangladesh aṭangin bungrua pawh lakluh a ni thei tawh dawn a ni, a ti.

Hmarchhak bialin steel a mamawh hi ton nuai 1.5 vel a nih thu a sawi a, a bikin fur laia supply khaihlak ṭhin avanga hnathawh bahlah ṭhin chu tihtawp a nih theihna turin stockyard siam hi a ṭul a ni, a ti.